Saada Kaagaz

Saada Kaagaz

 Saada kagaz hai mera mann,
kya saada hi rah jayega?
koi apne rang-birange,
shabdo se ise sajayega??

par is saade kagaz me bhi,
kuch rang birange shabd chipe hain,
na dikhkar jo kuch kahte hain,
gahre inme bhaav chipe hain.

Na dikhkar jo dikhlate hain,
yahi nahi kuch sikhlate hain.
jo inki baato ko samjhe,
wo jeevan me sukh bhi paate hain.

Nahi samajh paye jo ab bhi,
to mai tumko batlata hu.
saade kaagaz me chipe huve,
saade rango ko dikhlata hu.

Saade kaagaz me tum apne,
man chahe rang bhar sakte ho.
jo bhaye wo shabd likho tum,
apna sukh dukh kah sakte ho.

Nahi rokta hai ye unko,
hai likhne ka armaan jinhe,
khud saada jeevan jeekar deta,
rang bharne ka paigam jinhe.

Saada kaagaz hai mera mann,
maine baate yahi kahi thi.
thi wo meri baat tabhi tak,
jab ye baate nahi suni thi.
Saade kaagaz ki baato ko,
jabse jaana hai maine,

Mai ban jaaoon ek "Saada-Kaagaz"
ab ye thaana hai maine..