Betha hua me tanha kuch aj likh raha hu

Betha hua me tanha kuch aj likh raha hu

 Dil ke suro ke kuch saaj likh raha hu,
Betha hua me tanha kuch aj likh raha hu.

Soch me hu jeevan kis oor ja raha he,
Na soch h yaha koi, na kuch samaj a raha h,
Paresanio ke pal me kuch aj kho raha hu.
Betha hua me tanha kuch aj likh raha hu.

Na daulat me chahu na sohrat me chahu,
Kuber ki riyasat ki dher me na chahu,
Na mahal na Atari na mouj chah raha hu,
Betha hua me tanha kuch aj likh raha hu.

Ek baat sochta hu kai bat a rahi h,
Ek soch poori karta sou sath a rahi h,
Chahto ke daldal me, pal-pal me fas raha hu.
Betha hua me tanha kuch aj likh raha hu.

Betha hu andhero me, roshni hi chah raha hu,
Jintna me chahu chipna, utna hi ghir raha hu,
Tanhaio ke dar me, me aj jee raha hu,
Beetha hua me tanha kuch aaj likh raha hu.

Tasveer dekh kar me, kuch yaad kar raha hu,
Beete hue dino ke, pal-pal gin raha hu,
Beete he kitne mousam hisab kar raha hu,
Betha hua me tanha kuch aj likh raha hu.

Har or dekh kar me, kuch is tarah khoya hu,
Jese Khuli ho ankhe, per me abi soya hu,
Mahol dekh kar me afsos kar raha hu,
Betha hua me tanha kuch aj likh raha hu.

Ankho k samne se ye pal gujar gaye he,
Jo bag kal the sookhe vo aj khil gaye he,
In beete hue lamho ko alvida me kah raha hu,
Betha hua me tanha kuch aj likh raha hu.

Ghanghor trasdi har or bad rahi h,
Kahin jat pat dange, kahin foot pad rahi h,
Yah haal dekh kar me bhar-bhar k ro raha hu,
Betha hua me tanha kuch aj likh raha hu.

Sabyta or Sanskriti, sab bhoot ki h bate,
Kaha bacche mante h updesh ki ye bate,
Tahjeeb ki ye bate kitabo me pad raha hu,
Betha hua me tanha kuch aj likh raha hu.

Paschatya ki umang kuch is tarah uthi h,
Aslilta be isme kuch is tarah guthi h,
Karan h kya is sab ka, yah prashn kar raha hu,
Betha hua me tanha kuch aj likh raha hu.

Contributed By : Mukesh Kumar Haymukesh2007@gmail.com