Budhia
Purane akhbaron ke bojh tale ek budhia ja rahi hai sadak par,
peeth uski jhuk gayi hai, josh lekin kum nahi hai.
peeth uski jhuk gayi hai, josh lekin kum nahi hai.
Subah ki sard havaon ka uspe asar kahan hai,
raddi bikne ki jaldi me paon thirakte ja rahe hain.
raddi bikne ki jaldi me paon thirakte ja rahe hain.
Aaj mile paison se saag roti banaoongi,
aisa soch budhia man hi man muskara rahi hai.
aisa soch budhia man hi man muskara rahi hai.
Kuch door aur chali hai wo, bojh uska aur badha hai.
Kamar tedhi ho rahi hai, umang dil ka aur badha hai.
Bojhe ka andaz le uske man me hilor uthi,
ab to matar ki sabzi ka bhi aas bandha hai.
ab to matar ki sabzi ka bhi aas bandha hai.
Achanak ye drishya dekh main sochti hoon,
kya kismet hai teri budhia, tujhe kal ki nahi balki sirf aaj ki chinta hai,
kya kismet hai teri budhia, tujhe kal ki nahi balki sirf aaj ki chinta hai,
hum jaison ko dekho, khyali pulav pakate saari umar katti hai,
aur paane ki echha me thode ka bhi anand lene ka samay kahan hai?.
Contributed By : Mukesh Kumar Haymukesh2007@gmail.comaur paane ki echha me thode ka bhi anand lene ka samay kahan hai?.
No comments:
Post a Comment